Bilaketa aurreratuak hainbat aukera ditu bilaketa zehatzagoa eta eraginkorragoa egiteko. Horretarako, orri nagusira joan behar dugu eta, bilaketa-koadro arruntaren azpian, "Advanced Search" sakatu:
Bilaketa aurreratuan, hitz bat edo gehiago konbinatu daitezke, operadore boolearrak erabiliz. Horiei esker, bilaketa zehatzagoak sor daitezke, hitzak sartuz edo baztertuz.
Bilaketa egin nahi dugun eremua ere hauta dezakegu. Besteak beste, bi aukera ditugu: "All Metadata", dokumentuak deskribatzeko eremu horietan gure bilaketak abiarazteko, edo "full Text & Metadata", dokumentuen testu osoa bilagarri gisa sartzeko, izenburuan bilatzeko, egilea bilatzeko…
Bilaketa mugatzeko, emaitzen orriaren ezkerraldean agertzen diren eremuetako bat edo batzuk erabiliko dira:
Ezarritako iragazkien arabera emaitza zehatzagoak lortuko dira. Iragazki horiek bilaketaren hasieran zein ondoren emaitzen zerrendan aplika daitezke.