Préstamo de puestos de estudio / Ikaspostuen mailegua: Euskara

Irakurgeletara, Erreferentzia Gelara edo Ikasgelara sartzeko, beharrezkoa da aldez aurretik lanpostu bat maileguan hartzea. Horretarako, armairuak/terminalak adierazten dituen jarraibide errazei jarraitu. Hementxe topatuko dituzu:

• Bilbon: Erreferentzia Gelan zein sarrerako mostradorean.
• Donostian: Sarreran.

Sistemak postu zehatz bat emango digu, 4 ordurako. Mailegua egin ondoren, mezu elektroniko bat jasoko dugu emandako lanpostu-zenbakiarekin.

Gogoratu Liburutegitik irten aurretik ezinbestekoa dela lanpostua itzultzea automaileguko armairuan edo sarrerako mostradoreko terminalean.

Garrantzitsua: sistemak ez du ikaspostu bat itzuli ondorengo 15 minutuetan mailegu berri bat egiteko aukerarik ematen.

Zerbitzu hau erabiltzeko, erabiltzaileak jarraian zehazten diren mailegurako baldintzak onartuko ditu: 

• Mailegua pertsonala eta besterenezina da. Mailegua egin ondoren, email bat jasoko da emandako ikaspostuaren zenbakiarekin.
• Mailegua, gehienez, 4 ordukoa izango da. Océano-ko gure espazio pertsonaletik mailegua 2 orduz luzatzeko aukera dago.
• Gehienezko denbora hori igarotakoan, ikaspostu librerik badago, ikaspostu baten mailegu berri bat egin ahal izango da.
• Erabiltzaileak maileguan hartu duen ikaspostua itzultzeko konpromisoa hartzen du.
• Erabiltzaileak jokabide egokia eta Unibertsitateko Liburutegiaren araudiaren araberakoa izan beharko du.
• Erabiltzaileak edozein arazo antzematen badu berehala jakinaraziko die zerbitzuko langileei.
• Ikaspostua atzerapenarekin itzultzeak mailegu-zerbitzua 3 egunez erabili ezin izana ekarriko du.

Océano-ko gure espazio pertsonaletik mailegua 2 orduz luzatzeko aukera dugu.

Mailegatutako baliabide kopurua

Ikaspostuen mailegua indarrean ditugun beste baliabideen mailegu kopurura batzen da, hala nola ordenagailu eramangarriak edo liburuak.

Penalizazioak

Edozein baliabide (ikaspostu, liburu edo ordenagailu eramangarri) berandu itzultzearen ondorioz sortutako trabek baliabide guztien maileguari eragiten diote, edozein motatakoak direla ere.