Web of Science Researcher ID (Euskaraz): Hasiera

Nobedadeak

2022ko abuztuaz geroztik, Publons-eko profilak Web of Science delakoan integratu dira, eta Publons profil guztiak Web of Science Researcher ID formatu berrira aldatu dira.

Publons-en aldez aurretik sortutako profilek lehengo funtzionaltasunak eta informazioa mantentzen dituzte, baina itxura berri batekin. Abantaila nagusia profila plataforma bakar batetik editatzea eta kudeatzea da, bi tokitik egin behar izan beharrean.

• Lotura erraza zure ORCID kontuarekin

• WoS-en argitalpenetan soilik oinarritutako aipuen metrikak eskaintzen ditu.

Web of Science Researcher ID identifikatzaile paregabea da, egile bat Web of Science ekosisteman egiten duen lanarekin lotzen duena.

Ikertzaileei aukera ematen die:

• Argitalpenen historia osoa administratzea eta erakustea.
• Aipatutako aldi kopuruaren eta Web of Science-ren bilduma nagusiko h-indexaren jarraipena egitea.
• Parekoen berrikuspen-historialaren eta aldizkari akademikoetarako argitalpen-kontseiluetarako harpidetzen jarraipena egitea.
• Kolaboratzaile potentzialak identifikatzea.
• Argitalpenak inportatzea ORCIDetik, erreferentzia bibliografikoen kudeatzaileetatik (BibTex, RIS edo CSV fitxategien bidez) edo argitalpenaren identifikatzaile bidez (PMID, Web of Science accession number, DOI, ArXiv edo izenburua).
• Web of Science ResearcherID profila ORCIDekin lotzea, eta, horrela, ORCID identifikatzailea txertatzea WoS-en dauden argitalpen guztietan.
• Egile, editore eta parekoen berrikusle gisa duen eragin akademikoa laburbiltzen duen txosten bat deskargatzea, promozio eta eztabaida profesionaletarako erabil daitekeena.
• Aldizkariekin konektatzea, ikuskatzaile gisa.

Aldizkarien editoreei honako hauek ematen dizkie:

• Ikuskatzaileak lokalizatzea, harremanetan jartzea eta sustatzea.
• Berrikusleen eta berrikuspenen erregistroa kudeatzea, berrikuspen-ziurtagirien sorrera kanpora ateraz.

Web of Science-n kontu pertsonalik ez badugu, lehenik eta behin, honako hau sortuko dugu:

Formulario batera birbideratuko gaitu, eta eskatutako datuekin (posta elektronikoa, pasahitza, izen-abizenak) bete beharko dugu.

Behin Web of Science-n sortutako kontu bat izanda, hurrengo urratsa egilearen profila sortzea da. Horretarako, ezkerreko menuan "Perfil" eta "Crear" sakatuko ditugu:

Leiho berri bat irekiko zaigu, eskaera berresteko.

Profila sortzeko prozesua amaitzen denean, sistemak Web of Science ResearcherID bat esleituko digu.