Gure burua @deusto edo @opendeusto kontuko erabiltzaile eta pasahitzarekin identifikatu ostean, Océano-n "Nire gogokoak" atalera sarbidea dugu:
Atal honetan, besteak beste, honakoa egin dezakegu:
Erregistroak "Nire gogokoak" atalean gordetzea
Bilaketa emaitza zerrenda batean, erregistro bakoitzaren eskuma aldean dagoen “pin”-aren ikonoaren gainean klik egitean, sistemak erregistro hori “Nire gogokoak” atalera gehitzen du. Gogoan izan, gure burua identifikatu ezean, "Nire gogokoak" atalean gordetakoa ez dela hurrengo saioetan agertuko.
Erregistro bat “Nire gogokoak” atalera gehitzen denean, “pin”-aren ikonoa tatxatuta agertzen da.
Era berean, zenbait dokumentu aldi berean gehitu daitezke "Nire gogokoak" atalera. Horretarako, izenburu bakoitzaren ezkerraldeko laukitxoan klik egin eta, gero, goiko eskuinaldean dagoen "pin"-aren ikonoan klik egin:
Gordetako erregistroak ikustea
“Nire gogokoak” atalean gorde diren erregistroak ikusteko, goiko menuan dagoen “pin”-aren ikonoaren gainean klik egin.
Erregistroen zerrendan, ikusi nahi dugun erregistroaren gainean klik egin.
Océano-k gordetako erregistroak etiketen bidez erraz kudeatzea ahalbidetzen du.
Gainera, bilaketa berria egiterakoan, "Nire gogokoak" atalean gordetako baliabideak ez dira soilik "pin" ikonoa marratuta agertuko, horiz nabarmenduta ere agertuko dira ere.
Kontsulta bat bilaketa bat egitean lortu dugun informazioa da. Kontsultei dagokionean, Océano-k, besteak beste, honako aukerak eskaintzen dizkigu:
Kontsultak/bilaketak gordetzea
Identifikatzen garenean kontsulta/bilaketa bat gorde dezakegu. Horretarako, emaitzen orrialdean goiko aldean agertzen den “Kontsulta/bilaketa gorde”-ren gainean klik egin:
Ondoren, honako mezua agertuko da pantailaren goiko aldean:
Gordetako kontsultak/bilaketak gordetzea
Gordetako kontsulten/bilaketen zerrenda ikusteko “Nire gogokoak” atalaren barruan dagoen “Gordetako kontsultak/bilaketak” atalean klik egin.
Gordetako kontsultak/bilaketak exekutatu daitezke emaitzak ikusteko. Horretarako, izenaren gainean klik egin.
Gordetako bilaketa bakoitzaren ondoan hiru ikono agertuko dira. Lehenengoak bilaketa horrekin lotutako RSS kanala ezartzeko aukera ematen du. Bigarren ikonoan, kanpai baten irudian, klik eginez, alerta bat aktibatuko da (funtzionamendua geroago azaltzen da). Azkenik, marratutako pin ikonoak aurrez gordetako bilaketa ezabatzeko balio du.
OHARRA: Saioa hasi ez bada, ez dugu “Gordetako kontsultak/bilaketak” atalera sarrerarik izango.
Zer da alerta bat?
Océano-k gordetako kontsulten/bilaketen alertak sortzeko aukera ematen du: gordetako kontsultan/bilaketan emaitza berriren bat dagoenean mezu elektroniko bat jasoko dugu.
Alertak sortzea
Alerta bat sortzeko beharrezkoa da aldez aurretik kontsulta/bilaketa gordetzea:
“Nire Gogokoak’ atalean dagoen “Gordetako kontsultak/bilaketak” fitxara sartzen gara, eta han aurrez gordetako bilaketak agertuko dira. Kanpaiaren ikonoan klik eginez gero, dagokion abisua aktibatuko da.”
Pantailaren goialdean honako mezua erakutsiko da:
“Change notification settings” hautatzean, hurrengo leihoa irekiko da, eta han abisuak jaso nahi diren posta elektronikoko kontua konfiguratu ahal izango da.
Alertak ikusi eta aktibatzea
Alerten zerrenda ikusteko “Nire gogokoak” atalaren barruan dagoen “Gordetako kontsultak/bilaketak” atalean klik egin.
Alertak aktibatu eta desaktibatu ditzakegu gordetako kontsulta/bilaketa bakoitzaren eskumako aldean dagoen kanpaiaren ikonoaren gainean klik eginez:
Alerta aktibatuta Alerta desaktibatuta
Zer da etiketatzea
Etiketak dokumentuak antolatu eta gogoratzen laguntzeko eslei ditzakegun hitzak edo esaldiak dira. Océano-k “Nire gogokoak” atalean gordetako erreferentzia jakin bati zein erreferentzia talde bati nahi beste etiketa esleitzea baimentzen du.
Nola etiketatzen da
Honakoa egin daiteke:
Horretarako, beharrezkoa da etiketatu nahi ditugun erreferentziak aukeratzea eta arkatzaren ikonoan klik egitea:
Etiketa zehatz bat esleitu diogun dokumentu guztiak bilatzeko, etiketa horren gainean klik egin behar da.
Gure bilaketen historikora sartzeko, "Menua"-n klik egingo dugu (edo gure izenean, jada identifikatu bagaude):
Gure burua identifikatuz gero bilaketen historikoa modu iraunkorrean gorde ahal izango dugu. Horretarako “pin”-aren ikonoaren gainean klik egin:
