Open Access (Euskaraz): Eraldatze-akordioak

Zer dira Eraldatze-akordioak?

Eraldatze-akordioak (Acuerdos Transformativos edo AT) argitaletxe zientifikoekin egindako akordioak dira, aldizkarien irakurketarako harpidetza zaharrak harpidetza berri bihurtzeko aukera ematen dutenak, liburuak irakurtzeko aukerarekin batera ikerketa-lanak sarbide irekian argitaratzeko aukera (open access) barne hartzen dutenak, kostu gehigarririk gabe. Hau da, argitaletxe batean harpidetutako aldizkarien bildumak irakurtzeagatik ordaintzen dute erakundeek, eta lizentzia berean sartzen dira egileek sarbide irekian argitaratzeagatik ordainduko lituzketen artikuluak prozesatzeko gastuak (APC). Horri Read & Publish esaten zaio.

Zer dira APCak?

Article Processing Charge (APC) egileak sarrera irekiko aldizkarietan artikulu bat argitaratzeagatik eta kudeatzeagatik ordaintzen duen tasa da. Eraldatze-akordioekin, Deustuko Unibertsitateak aurrez zehaztutako APC kopuru itxi bat du, gure erakundearekiko filiazioa duten egileek argitaletxeetako aldizkari hibrido jakin batzuetan argitaratzeko aukera izan dezaten, kosturik gabe.

Egileek betebeharreko baldintzak:

• DU-ko PDI edo PI izatea
• Nahitaez adierazi behar da DU-rekiko filiazioa, unibertsitateak onartutako jarraibideen arabera
• Egile edo ikerketa-talde bakoitzak eska ditzakeen APC-etarako ez da mugarik ezartzen
• Baimentzeko irizpidea eskabideak iristen diren hurrenkera izango da, urte bakoitzeko esleitutako kopurua agortu arte

Eraldatze-akordioetarako kontaktua

APC-ak eskatzeko baldintzei edo prozedurari buruzko edozein zalantza izanez gero, jarri harremanetan DITekin: dit.transferencia@deusto.es

Tabla actualizada / Eguneratzea: 10/09/2024