Gradu amaierako lanean erabiliko ditugun iturriak biltzeaz gain, oso garrantzitsua da zer informazio ematen duten ebaluatzea, informazio guztiak ez baitu balio. Horretarako, erabili nahi ditugun informazio-iturriak fidagarriak direla ziurtatu behar dugu. Jarraian, informazio-iturriak nola ebaluatu ikusiko dugu.
Gogoratu Liburutegiak irakasleek hautatutako informazio-baliabideak eskaintzen dituela, eta, beraz, edukia erabilera akademikorako egokia dela.
GAL-arako edo edozein lan akademikorako baliagarria den informazioa aurkitzeko iturri fidagarrienak hauek dira:
Zorroztasun zientifiko edo akademikorik ez duten iturriak ez erabiltzea gomendatzen da.
Baliabide bat fidagarria den ala ez erabakitzeko, irizpide hauek aztertu behar ditugu: egilea, jatorria, edukia, gaurkotasuna, irakurlegoa eta asmoa.
Nork idatzi du?
Ziur aski, egilea da informazio-baliabide bat erabiltzerakoan kontuan hartu beharreko alderdirik garrantzitsuenetako bat. Argitalpen baten kalitatea ebaluatzeko, egileari buruzko datu hauek hartu behar ditugu kontuan:
Ziurtatu beti prestigioa duten edo zure jakintza-arloko adituen informazioa kontsultatzen duzula.
Informazioa non dago?
Kasu gehienetan, artikulu bat argitaratzen duen aldizkaria edo liburu bat argitaratzen duen argitaletxea oso adierazle baliotsua da edukien baliozkotasuna ezartzeko.
Aldizkarien kasuan, oro har, argitaratzen dituzten edukien kalitatea berrikusten duten batzordeak izaten dituzte, eta, beraz, horien baliozkotasuna bermatuta dago. Batzuek, gainera parekoen ebaluazioak egiten dituzte (peer-reviewed aldizkariek), eta prozedura horren bidez, kanpoko adituek argitalpen edukiak berrikusten dituzte haien kalitatea ziurtatzeko.
Argitaletxeen kasuan, argitaletxe ospetsuek, erakunde ofizialek, unibertsitateek eta abarrek, argitaratutako lanek edukien baliozkotasuna bermatuta dute, erakunde edo argitaletxe horiek erantzule baitira.
Egiaztatu beti argitalpenaz edo artikulua argitaratzen duen aldizkariaz arduratzen den editorearen kalitatea.
Zertaz ari da?
Informazioa fidagarria den baloratzeko, haren edukia zorrotz ebaluatu behar dugu, honako alderdi hauek kontuan hartuta:
Egiaztatu kontsultatutako informazioa zehatza dela eta argibideak biltzen dituela.
Noiz idatzi da?
Baliozko informazioa bereizteko beste funtsezko alderdi bat edukiaren gaurkotasuna da. Kontuan izatekoak:
Egiaztatu informazioa eguneratuta dagoela zure jakintza-arloko azken aurrerapenekin.
Zertarako idatzi da?
Informazio-baliabide guztiek ez dute helburu zientifikorik edo akademikorik, informazio-baliabide bat beste helburu batzuetarako idatzita egon daiteke; beraz, funtsezkoa da aurkitu dugun informazioaren helburua zein den zehaztea.
Oro har, aldizkari akademiko edo zientifikoetan edo Liburutegiko funtsan aurkitzen den informazioaren helburua da azterketarako eta ikerketarako lagungarri izatea; beraz, iturri fidagarriak dira.
Ziurtatu iturri akademiko edo zientifikoetatik datorren informazioa kontsultatzen duzula.
Norentzat idatzi da?
Informazioa publiko jakin bati gertakari zehatz batzuk jakinarazteko idazten da.
Unibertsitaterako lan akademiko batean, kontsultatzen ari garen iturria behar den maila akademikorako egokia dela ziurtatu behar dugu. Hau da, ez litzateke egokia izango publiko orokorrari zuzendutako dibulgazio-lan batean.
Egiaztatu kontsultatutako informazioa publiko akademikoari edo zientifikoari zuzenduta dagoela.