Nola egin aipuak eta osatu bibliografiak: Aipuak

Zer da aipu bat egitea?
Aipu bat egitea beste pertsona baten ideiak eta hitzak berrerabiltzea edo aipatzea da.

Zer da aipatu behar dena?

• Oro har ezagutzen diren datuak, zifrak, estatistikak edota ahozko iturriak
• Hitzez hitz kopiatutako esaldiak
• Beste egile batzuen teoriak edo ideiak
• Ezagutza orokorrekoa ez den edozein informazio zehatz

Zer da aipatu behar ez dena?

• Guztiok ezagutzen ditugun gertaerak edota datuak
• Geure ideiak, ekarpenak, oharrak edo ondorioak, gure azterlan eta hausnarketen emaitza direnak

Nola egiten dira aipuak?
Aipuak egiteko modua erabiltzen dugun estilo bibliografikoaren araberakoa izango da:

Estilo bibliografiko guztiek bi zati dituzte:

• Testu barruko aipua
• Dokumentu amaierako bibliografia

Testu barruko aipuak dagozkien erreferentzia bibliografikoekin erlazionatzen edo lotzen dituzen hiru metodo hauek nabarmentzen ditugu:

1. Zenbaki bidezko metodoa
2. Ohar bidezko metodoa
3. Egile eta urte bidezko metodoa edo Harvard metodoa​

Aipuak egiteko hainbat modu daude. Adibidez:

• Beste egile batek idatzitakoa hitzez hitz transkribatzea, testua komatxo artean idatziz
• Beste lan batean beste egile batek jasotako ideiak gure hitzekin azaltzea edo parafraseatzea