Autoreak: Ikertzaile-profilak: Hasiera

Gero eta digitalagoa den ikerketa-ingurune batean, nola bereiz daitezke antzeko izena duen pertsonak? Afiliazio instituzionala aldatzen bada, nola mantentzen da lotura lan akademikoarekin? Bibliografia honetan galdera horiei eta beste askori erantzuna emango zaie. Bere helburuen artean honako hauek nabarmentzen dira:

1. Sinadura normalizatuaren garrantzia erakustea
2. Deustuko Unibertsitateko izen pertsonalaren eta afiliazio instituzionalaren sinadura normalizatuaren jarraibideak erakustea
3. Autore-identifikatzaileak zer diren azaltzea eta garrantzitsuenak erakustea
4. Autore-profilak sortzearen eta kudeatzearen zein ikertzaileentzako sare sozialetan parte hartzearen garrantzia erakustea

1. Argitalpen edo ekarpen zientifiko oro izen normalizatuarekin sinatzea eta afiliazio instituzionala adieraztea
2. Adiera bakarreko identifikazio sistemak sortzea
3. Autore-profilak sortzea
4. Argitalpenak identifikatzaile zuzenekin lotzea, akatsak norberak ezin baditu zuzendu datu-baseetara jakinaraziz
5. Profil desberdinak elkarren artean lotzea
6. Profilak egunean izatea eta sarritan eguneratzea
7. Beste ikertzaile batzuekin harremanetan jartzea eta sareak sortzea
8. Norberaren egile-eskubideak zehaztea eta gainerakoenak errespetazea
9. Norberaren argitalpenak sustatzea
10. Norberaren argitalpenen jarraipena egitea

Ikusgarritasuna sustatzeko hainbat tresna eta zerbitzu mota daude:

• Ikertzaileak identifikatzeko adiera bakarreko sistemak: ORCID, Scopus ID...
• Gune pertsonalak eta sare sozialak: Facebook, LinkedIn, blogak...
• Ikertzaileen komunitateak: Academia.edu, ResearchGate...
• Egile-profilak dituzten bilaketa-motorrak: Google Scholar